B’IXKIL KECH RI WOKAJ

Qak’amom uq’ab’al uchajixik jun utzalaj wa’im kuya ri ajpop rech tinamit Paxil Kayala’, rech keqato ri jalajoj taq wokaj kechakun pa uwi’ ri jastaq rech ktijowik, ruk’ upatanixik xuquje’ uchajixik ri jalajoj taq jastaq pa taq ri k’olib’al, De qas krayixik kya’ utzalaj taq jastaq rech ktijowik chi kech ri alaxik.

Ri Nimalaj Wokaj rech INDECA kuk’am ub’e xuquje’ kuchakuj jalajoj taq chak
rech kok uloq pa we amaq’, kuk’ulaj pa taq ri k’olib’al, kuk’olo, kuchajij xuquje’ kujach b’ik pa kiq’ab’ taq ri wokaj ri taqatal chi kij kkijach ri jastaq rech ktijowik pa we amaq’, xa jeri’ kekijacha’ chi kech ri winaqil.

Pa taq we q’ij tajin ksuk’i’ ri patanijem kuk’ taq ri wokaj rech  Ajpop ri kajawataj chi kech, are qas tajin ksuk’ub’ax ri uq’inomal keta’mab’al ri winaqil, ketijoxik xuquje’ kya’ ri keta’manik, kichakub’al qas rajawaxik pa uwi’ ri jastaq ktijowik, e b’anom nimalaj taq chak rech kchajix rij xuquje’ keb’an rutzil ri  uk’olib’al.

We kamik k’o chik wuqub’ k’olib’al e jaqatalik rech kek’ol ri jastaq ktijow chi upam keriqitaj wa’ pa we uq’ab’ taq tinamit: Fraijanes, B’oko’, Retal Ulew, Xe’ lajuj No’j, Tactic, Los amates e Ipala, are qas ya’om uq’ij uk’olik ri ixim, kinaq’, aros, xuquje’ nik’aj chik ri echakum chik pacha’ k’ut le ja’ q’anal, k’aj, uk’ya’ ri k’o uchuq’ab’il are qas k’o ri k’aj leche.

Pa we ronojel taq we chak patan nab’e kanoq ri wokaj kkiya ri tob’anik pa uwi’ uchajixik ri ktijowik rech ri ajpop rech tinamit Paxil Kayala’, ruk’ wa' tajin kqasax uwach ri wi’jal tajin kkik’ulmaj ri ak’alab’ maja’ na job’ kijunab’, ri e yawab’ taq ixoqib’ xuquje’ ri nan kek’iyisanik, kya’ ri wa pa taq tijob’al rech nab’e q’at tijonik, xuquje’ ke’ilix ri jalajoj taq alaxik ri kiriqom k’axk’olil rumal taq ri kuk’ulmataj pa ri uwachulew, jachin taq kya’ aninaqil ri tob’anik chi kech, k’ate k’uri’ kya' kijastaq rech ke’uto’ chech uyakik kib’ pa kik’aslemal.

Ri kajawax ruk’ we chakub’al ri’, are uya’ik ri b’ixkil chi kiwach ri winaq pa uwi’ uchakixik xuquje’  upwaqil ri wokaj xuquje’ ri kuta ri taqanik tajin kokisax pa we amaq’, pa uwi’ taq ri jalajoj taq b’ixkil xuquje’ ri upwaqil ri q’atalik xuquje’ saqil rij rech ri wokaj.

Menú de cierre